------- रूप ईश्वराचे -------
रूप ईश्वराचे । इथे चराचरी
ओळखा सत्वरी । ज्याचे त्याने !! १ !!
तूच अल्ला आणि । तूच एकदंत
अवघा सुपंथ । एक होता !! २ !!
नको दुजाभाव । कोणी थोर सान
द्यावा मानपान । एकमेका !! ३ !!
ठेचाळता पाय । किंचाळते वाणी
दुजा डोळा पाणी । आपसूक !! ४ !!
करा ऐसे कर्म । कीर्ती दिगंतात
स्थान अनंतात । वेगळाले !! ५ !!
किरण कृपेची । संगती लाभता
देवाचा चाहता । होई जो तो !! ६ !!
भरती ओहोटी । नित्य येते जेथे
वास्तव्यास तेथे । सागर हा !! ७ !!
सागरराजे निंबाळकर
No comments:
Post a Comment
आपल्या अभिप्रायाबद्दल मनःपूर्वक आभार !