शारदेची भव्य मूर्ती दावणारा किरण माझा
वाट चुकल्या योग्य वेळी पावणारा किरण माझा
खात होती हेलकावे नित्य येथे नाव माझी
त्याच लहरींनी किनारी लावणारा किरण माझा
ध्यान त्याचे श्वास झाले आवडीचे मौन बाबा
गोड वाणी आणि साऱ्या भावणारा किरण माझा
ज्ञान ज्योती तेवणारी आज त्याचे शिष्य लाखो
शांत चित्ती आसमंती मावणारा किरण माझा
कोण अपुले कोण परके ओळखाया लागलो मी
संकटी माझ्या अताशा धावणारा किरण माझा
@ सागरराजे निंबाळकर
No comments:
Post a Comment
आपल्या अभिप्रायाबद्दल मनःपूर्वक आभार !