निवांत

~ निवांत बसलो..

विरून गेल्या, आशा साऱ्या

आता निव्वळ, जगणे बाकी

आधाराला, ईश्वर आहे 

पडलो जर का, मी एकाकी

उरात सलते, एक वेदना

तुला न काही, देऊ शकलो

भार जगाचा, घेतो तू.. मी

एकाजागी, निवांत बसलो

@ सागरराजे निंबाळकर

मेहमान

कड़ी धूप समझू इसे या

हलकासा कोई साया है

इस गरीबखाने में आज

ये कैसा मेहमान आया है

@ सागरराजे

दुःखाचे गाणे

~~ दुःखाचे गाणे

दुःखाचेही करता येते ज्याला गाणे

सोपे होते त्याचे येथे येणे, जाणे

समजत गेलो दुःखाला मी प्रत्येकाच्या

पण कोणीही ऐकेना माझे गाऱ्हाणे

खोट्या चलना भुललो नाही जर का आपण

कामी येते सत्कर्माचे सुंदर नाणे

पैसा-अडका माया आहे कुठवर पुरते

जमवा केवळ पोटासाठी काही दाणे

इच्छा, चिंता आता काही उरली नाही

माझ्या भाळी जेही आहे देवच जाणे

खेळत होतो बुद्धीबळ मी तेव्हा कळले

संयम ठेवत उलटावे शत्रूचे खाणे

भक्तीसुद्धा गरजेची या उपवासाला

नाही निव्वळ केळी, काजू, साबूदाणे

😇 सागरराजे निंबाळकर

हे केवळ

माझ्या कविता आवडतात तिला

मात्र, मी आवडत नाही

ही अनेकांची शोकांतिका आहे

हे केवळ माझ्यासोबत घडत नाही 

😇 सागरराजे निंबाळकर

कोई और मिल गया होगा

दिल आया होगा या दिल गया होगा

फुल मुहब्बत का ज्यादाही खिल गया होगा

ऐसेही नहीं बदलते तेवर किसीके

यकीनन तुझे कोई और मिल गया होगा

😊 सागरराजे

ठेऊ काळजात

~~ ठेऊ काळजात

ऋतू पावसाळी अन्, त्यात तुझी साथ

एकरूप होती जसे, तेल आणि वात ||धृ||

ठेच मला लागते नि, पाणी तुझ्या डोळी

लाखात एक आपली, जोडी साधीभोळी

निरांजन होईन मी, ओवाळण्या तुला

घेऊ सुखाने हिंदोळे, बांधू असा झुला

तुझ्यापाशीच शेवट, तूच सुरूवात ||१||

नको शपथा कुठल्या, नकोत वचने

राणी आपली कायम, जुळतील मने

भांडेल जो आधी तोच, घेईल माघार

अलिखित एक असा, करूया करार

लाख येऊदे संकटे, सोडू नको हात ||२||

तुझ्या माझ्या संसाराची, न्यारीच कहाणी

लिहाया घेतली तर, गाजतील गाणी

जगू स्वच्छंद नेहमी, मोजू नको वय

जीवनी कधी कुठला, नको अभिनय

युगेयुगे एकमेका, ठेऊ काळजात ||३||

😊 सागरराजे निंबाळकर, कल्याण

पावसाळा

~~ पावसाळा..

डोळ्यात स्पष्ट दोन्ही दिसतोय पावसाळा

होऊन चिंब इतका भिजतोय पावसाळा

आयुष्य फार थोडे हाती असूनसुद्धा

फुलवून रान सारे जगतोय पावसाळा

प्रेमात काय पडला या गोजिऱ्या धरेच्या

होऊन पार वेडा हसतोय पावसाळा

जावे कसे कळेना सोडून पालवीला 

चिंतेत याच एका झुरतोय पावसाळा

एकीकडे उभा मी एकीकडे दुरावा

पाहून या दरीला रडतोय पावसाळा

@ सागरराजे निंबाळकर

हल्ली

😊 हल्ली

होता आधी तसा पडेना प्रभाव माझा हल्ली

भरूनही का रिता भासतो तलाव माझा हल्ली

झेलत होतो वादळवारे एकेकाळी सगळी

पण.. लागेना झुळूकेपुढे निभाव माझा हल्ली

दिसू न देता रडायचो मी ठेऊन हसू ओठी

हरवले कसब पडतोय कमी सराव माझा हल्ली

कातडी नव्हे काळीज दिले वाघाचे मी ज्यांना

खटकत आहे शेळ्यांना त्या ठराव माझा हल्ली

शेतीवाडी, जमीनजुमला सर्व पाहिजे आता

विवाहसंस्था कमी करेना दबाव माझा हल्ली

आयुष्य तुला बहाल केले म्हणायची जी पूर्वी..

तिला दिसेना थोडासुद्धा अभाव माझा हल्ली

🫵🏻 सागरराजे निंबाळकर