-- प्रश्न म्हणा किंवा खंत --
कटू सत्य आहे पण
अनेकांच्या येतं भाळी
प्रेमी युगुलांना त्यांनी
डावललं कधीकाळी
कुणा हवं होतं कुंकू
कुणा फक्त चुडा हाती
प्यारी फक्त रीत येथे
विसरून सारी नाती
पर जातीची म्हणून
तिला टाळलं साऱ्यांनी
तडा जाताच भिंतींना
सजा भोगावी वाऱ्यांनी
प्रेम केलं मनोभावे
एवढाच गुन्हा झाला
एक मताने निर्णय
करा बेदखल त्याला
प्रश्न म्हणा हवं तर
किंवा म्हणा ह्याला खंत
अशा जाचक रितींचा
कोण करणार अंत?
@ सागरराजे निंबाळकर
No comments:
Post a Comment
आपल्या अभिप्रायाबद्दल मनःपूर्वक आभार !