-- सुखाचा नकाशा --
धरा दावते अताशा
नव्या नवतीचे रंग
बळीराजा सुखावण्या
तिने बांधलाय चंग
खत, बियाणे साथीला
झाली पेरणी, कापणी
करतोय तोही कष्ट
होवो सफल आखणी
डुलू लागले मौजेने
शेत शिवाराचे झुले
धुंद सरी कोसळून
होता आसमंत खुले
दिस येतात सोन्याचे
फक्त सोडू नये आशा
एका रेषेत नसतो
कधी सुखाचा नकाशा
@ सागरराजे निंबाळकर
No comments:
Post a Comment
आपल्या अभिप्रायाबद्दल मनःपूर्वक आभार !