------- सारे जमीन जुमले ------
वादात ठार झाले सारे जमीन जुमले
आगीत गार झाले सारे जमीन जुमले
हृदयात ठेवलेले मूर्ती म्हणून ज्याला
का आरपार झाले सारे जमीन जुमले
एकांत रोजचा हा सांगून आज गेला
गर्दीत भार झाले सारे जमीन जुमले
वाहून रोज ओझे नापाक ह्या पिढ्यांचे
बेजार पार झाले सारे जमीन जुमले
गाठीस बांधताना सारेच येथ अनुभव
निष्णात फार झाले सारे जमीन जुमले
@ सागरराजे निंबाळकर
No comments:
Post a Comment
आपल्या अभिप्रायाबद्दल मनःपूर्वक आभार !