-- नक्कीच चुकलंय काही --
ती दिसते येता जाता
पण, बोलत मात्र नाही
दोघांपैकी कुण्या एकाचं
नक्कीच चुकलंय काही
दोन शब्द बोलावेत फक्त
रागे भरले, तरी चालेल
प्रखर असला सूर्य जरी
सायंकाळी आपसूक मावळेल
गर्दीत एकटं पडायला होतं
एकांतात भरतो आठवांचा मेळा
योगायोग म्हणता येणार नाही
असं घडलंय अनेकवेळा
दोन पाऊलं मी पुढे आलो
ती इंचभर ही पुढे आली नाही
आरोप प्रत्यारोपांच्या फैरी झाल्या
दिलजमाई मात्र झाली नाही
मर्यादा होती वाकण्यालाही
म्हणूनच थांबलो एका हद्दीनंतर
फूटभर दुराव्याने निर्माण केलं
मैलोनमैल न सरणारं अंतर
😇 सागरराजे निंबाळकर
