-- आत्मा पांडुरंगा --
टिळा चंदनाचा
शोभे किती भाळी
टाळ देई येथे
चिपळ्यास टाळी !! धृ !!
येता जाता होतो
मज तुझा भास
वाटे मग आहे
तूच आसपास
तुझ्या दर्शनाने
आमुची दिवाळी !! १ !!
रूपे तुझी किती
सावळ्या श्रीरंगा
कोणी म्हणे विष्णू
आत्मा पांडुरंगा
कधी वास्तव्यास
विशाल आभाळी !! २ !!
आनंद लाभला
वारीत चालता
तुळशीची माळ
गळ्यात घालता
झालो मीही तुझा
आता तुझी पाळी !! ३ !!
@ सागरराजे निंबाळकर
No comments:
Post a Comment
आपल्या अभिप्रायाबद्दल मनःपूर्वक आभार !