भगवंता शेवटचे, दर्शन द्या मला
योग एकदाचा आता, येऊद्या चांगला ।।धृ।।
नाम तुमचे मुखात, तीनही प्रहरी
विठोबा तुम्हीच माझे, तुम्हीच श्रीहरी
नाद टाळ मृदंगाचा, कानात भिनला ।।१।।
काही केल्या येत नाही, चित्ती समाधान
कळेना करावे कसे, सुखाचे निदान
वनवास प्रपंचाचा, फार मी भोगला ।।२।।
चरणी तुमच्या माझे, सुटू देत प्राण
नको मागे उरायला, काहीही गहाण
वैकुंठाला निघालाय, भक्त एक भला ।।३।।
▪️सागरराजे निंबाळकर, कल्याण
