-- काय अपराध झाला --
काय अपराध झाला
मज कळेनाच काही
प्रेम सखीचं बहुदा
माझ्या नशिबात नाही
तिच्या जवळ न जाता
दुरूनच पाहायचं
पत्र निनावी लिहून
अनामिक राहायचं
तिच्या माझ्या प्रेमामध्ये
काही व्याधी आड आल्या
योजलेल्या गोष्टी माझ्या
कुणा दुसऱ्याच्या झाल्या
साऱ्या पत्रांवर माझ्या
नाव मित्राने टाकलं
आरवत्या कोंबड्याला
जसं सूर्याने झाकलं
हल्ली फिरतात दोघे
जसे राघू आणि मैना
कशी सांगावी कुणाला
माझ्या काळजाची दैना
दोष मित्राला का देऊ
चूक माझी आहे सारी
डोक्यावर घेतली मी
नको तेवढी ही यारी
😀 सागरराजे निंबाळकर
No comments:
Post a Comment
आपल्या अभिप्रायाबद्दल मनःपूर्वक आभार !