----- *गाऊया सुखाने* -----
(षडाक्षरी)
गाऊया सुखाने
आनंदाचे गाणे
सोपे होते मग
येथे येणे जाणे
तूच माता पिता
तूच करविता
डोळा पाणी येते
घास भरविता
दिवसागणिक
नाम तुझे घेऊ
सांग बा विठ्ठला
काय भेट देऊ
तूच तारलेस
साऱ्या संकटात
मोक्षाची प्रचिती
तुझ्या राऊळात
लाभो आशिर्वच
उजळावा माथा
जगणे सांगते
संप्रदायी गाथा
@ *सागरराजे निंबाळकर*
No comments:
Post a Comment
आपल्या अभिप्रायाबद्दल मनःपूर्वक आभार !