एकाच आद्याक्षरावरून संपूर्ण कविता
आद्याक्षर "प"
परतीचा पाऊस प्रेमाचा
परतीचा पाऊस प्रेमाचा
प्रेमात पुरता पिसाटला
प्राजक्त पडला पायदळी
प्रारब्धी प्रसंग पेचातला
पडलो प्रेमात पहाटेच
पाहतोय प्रेयसीला प्रहरी
प्राशुनी प्रेमप्याले परिपूर्ण
पाहिली प्रेमरूपी पंढरी
पाऊलखुणा पुसटशा पसरती
प्राक्तनाची पाऊले पेलवेना
पाहिले प्रेमास पाठमोरे
प्रेमतरंग पाहूनही पाहवेना
प्रेमळ पौर्णिमेचा पूर्णचंद्र
प्रभंजनी प्रतिक्रिया प्रियेला
परागी प्रेमभुंगा परिमित
पुष्पधन्वा प्रभास प्यायला
----- *सागरराजे निंबाळकर* -----
No comments:
Post a Comment
आपल्या अभिप्रायाबद्दल मनःपूर्वक आभार !