खेळ दुर्गुणांशी

----- *खेळ दुर्गुणांशी* -----

निंदकाचे घर । शेजारी असता
मिळतात धडे । उठता बसता !! १ !!

कोणी काही सांगो । ऐकावे मनाचे
लाभ होतो त्याने । बोल हे जनाचे !! २ !!

वाढला जो येथे । दुर्गुण त्यागून
प्रचिती सुखाची । येतसे मागून !! ३ !!

राहिला जो नित्य । गुरूंच्या संगती
रंगला तो येथे । आनंदी रंगती !! ४ !!

खेळ दुर्गुणांशी । खेळावा एकदा
राहतो सावध । सत्कर्माने सदा !! ५ !!

सर्वोत्तम वाटे । काळ माझा गुरू
अनुभव देतो । सारे पुन्हा सुरू !! ६ !!

किरण सांगतो । जगण्याची कला
नमस्कार माझा । सागराच्या जला !! ७ !!

------- *सागरराजे निंबाळकर* -------