----- आरती श्री स्वामींची -----
(किरणप्रभा)
जयदेव जयदेव, जय स्वामीराया
येतो शरणागत मी, तुझियाच पाया !! धृ !!
प्रसन्नमुद्रा ऐसी, सकला सुख लाभे
हरुनी साऱ्या चिंता, उभा भक्तांच्या मागे
मिळते संजीवनी, उजळून ही काया !! १ !!
स्वामी स्वामी नामाचे, मज लागले वेड
मंत्राने सुटला माझ्या, जीवनाचा तेढ
नितदिन व्हावे दर्शन, राहावी छाया !! २ !!
आई स्वामी माझे, स्वामीच होतसे तात
पडूनिया पाया, दिवसाची सुरुवात
मनोभावे मग तेही, देती मज माया !! ३ !!
@ *सागरराजे निंबाळकर*
No comments:
Post a Comment
आपल्या अभिप्रायाबद्दल मनःपूर्वक आभार !