------- *किरणप्रभा* -------
कोणत्या आशेवर जगायचे सांग तू
की आता माझे मीच बघायचे सांग तू !! धृ !!
पावलांच्या पुसट झाल्या पाऊलखुणा
वाटते मज मी चार दिसांचा पाहुणा
भवसागरी, कसे तरायचे सांग तू !! १ !!
ओठ हे निशब्द, अबोल झाल्या नजरा
वर्षे लोटली, तू माळला नाही गजरा
काय, कसे, कधी हे ठरायचे सांग तू !! २ !!
तू नसल्याचं शल्य आजही आहे उरी
विरहगाथा आपुली झाली खरीखुरी
दुःख माझे मी कसे हरायचे सांग तू !! ३ !!
@ *सागरराजे निंबाळकर*
No comments:
Post a Comment
आपल्या अभिप्रायाबद्दल मनःपूर्वक आभार !