त्रास होऊ नये, तू दूर गेल्यानंतर
एवढेच राहो माझ्या तुझ्यात अंतर !! धृ !!
येशील म्हणून, मागे वळून पाहिले
सोबतीला माझ्या, काय शिल्लक राहिले
ठाव घेतो मी आता, तुझाच निरंतर !! १ !!
शोधू कुठेकुठे तुला, कळेना फारसे
हाती येती फक्त, मृगजळाचे आरसे
पुढे जाण्याखेरीज, कोणते गत्यंतर !! २ !!
झालं गेलं, किती सहज बोलून गेली
प्रेमाच्या पारड्यात सारं तोलून गेली
दूर सारण्याचा, तुझा न्याराच मंतर !! ३ !!
@ *सागरराजे निंबाळकर*
No comments:
Post a Comment
आपल्या अभिप्रायाबद्दल मनःपूर्वक आभार !