----- *दिन उजडला न्यारा* -----
उगवले रविराज
पाखरांचा हा आवाज
झुंजूमुंजू न्यारा साज
पहाटेच्या प्रहरी !! १ !!
पहाटेचा गुंजारव
पानी कोवळाले दव
खुलणारे अवयव
निसर्गाचे रोजचे !! २ !!
खळाळता गोड झरा
देई भुईलाही चरा
वाट चालू भराभरा
मातीच्या माठासवे !! ३ !!
दिन उजडला न्यारा
गुरेढोरे खाती चारा
वाहणारा नित्य वारा
चौफेर दिशांनाही !! ४ !!
घंटारव मंदिरात
भाव माझिया मनात
देव वसे राऊळात
भक्तिभावे पूजिता !! ५ !!
@ *सागरराजे निंबाळकर*
No comments:
Post a Comment
आपल्या अभिप्रायाबद्दल मनःपूर्वक आभार !