----- आई बाबा माझे -----
आई बाबा माझे । जगी नाही तोड
मुखी नाम गोड । सदोदित ।। १ ।।
त्यांची कृपाछाया । त्यांचेच संस्कार
होती सोपस्कार । बालपणी ।। २ ।।
त्यागाची महती । वात्सल्याचे शिल्प
आईस विकल्प । नाही कुठे ।। ३ ।।
समर्पण भाव । ज्याच्या ठायीठायी
माथा त्याच्या पायी । टेकवितो ।। ४ ।।
दोहोंविना माझे । जगणे निष्कर्म
करतो सत्कर्म । सेवेने मी ।। ५ ।।
जन्मोजन्मी लाभो । हेच आई बाबा
आयुष्याचा ताबा । त्यांच्याकडे ।। ६ ।।
अथांग सागरी । गवसली नाती
फुललेल्या वाती । तेजोमयी ।। ७ ।।
@ *सागरराजे निंबाळकर*
No comments:
Post a Comment
आपल्या अभिप्रायाबद्दल मनःपूर्वक आभार !