नाही जमत आता मलाही
मैफिलीत, तुझ्या नजरेस टाळणं
एकच मार्ग उरतो, माझ्याकडे मग
एखाद्या कारणाने, स्वतःस गाळणं
बळ एकवटून ठरवतो कधीतरी
थोडंच पण, जरा दुरूनच पाहूया
लालसा नको रोजच्या भेटीची
पुन्हा एकदा, अलिप्तच राहूया
तेवढ्यात आवाज येतो कानी
अजून किती दिवस, असं चालणार
हरकत नाही, नको पाहूस पण.....
खोटी गरळ मनास, किती घालणार
आठवतात मलाही, शपथा आणाभाका
पाहत एकटक, लख्ख चांदण्यात जागणं
माझं तुझं न करता कधीच
फक्त नी फक्त, एकमेकांसाठी मागणं
@ *सागरराजे निंबाळकर*
No comments:
Post a Comment
आपल्या अभिप्रायाबद्दल मनःपूर्वक आभार !