------- *गोडवा तिळगुळाचा* -------
संक्रांती सणाबद्दल साऱ्यांना कळू दे
आलिंगन आम्हा तुम्हास नित्य फळू दे !! धृ !!
नकोत भेदाभेद एकमेकांबद्दल
सारूनी राग घडवू दुःखास अद्दल
वाईट प्रवृत्ती अग्निकुंडात जळू दे !! १ !!
सर्जाराजा नी शेतशिवाराची चाकरी
पुरेशी दोन वेळची चटणी भाकरी
फुलव धरा विठ्ठला, नजर वळू दे !! २ !!
गोडवा तिळगुळाचा ओठांवर राहो
बंधुभावाचा झरा स्वच्छ, निखळ वाहो
फुले आनंदाची माझ्या अंगणी गळू दे !! ३ !!
@ *सागरराजे निंबाळकर*
No comments:
Post a Comment
आपल्या अभिप्रायाबद्दल मनःपूर्वक आभार !