बॉम्बे ची मुंबई । झाली ज्यांच्यामुळे
खोल पाळेमुळे । हिंदुत्वाची !! १ !!
एकच साहेब । इथे दणाणले
भाव मनातले । मांडुनिया !! २ !!
श्वास मराठीचा । ध्यास मराठीचा
व्यास मराठीचा । छेदणारा !! ३ !!
थकल्या भागल्या । पाजू बाळकडू
नका अवघडू । लढताना !! ४ !!
छप्पन इंचाची । मर्दानी ही छाती
गीत कैक गाती । मराठीचे !! ५ !!
देऊया वंदना । जयंती निमित्त
खवळावे पित्त । स्वाभिमानी !! ६ !!
@ *सागरराजे निंबाळकर*
*हिंदुहृदयसम्राट बाळासाहेब ठाकरे यांना जयंती निमित्त विनम्र अभिवादन...!*
No comments:
Post a Comment
आपल्या अभिप्रायाबद्दल मनःपूर्वक आभार !