------- *शिवराय छत्रपती* -------
स्वराज्याचे अधिपती । शिवराय छत्रपती
रयतेच्या सभोवती । रक्षणास तत्पर ।। १ ।।
झोळी साऱ्यांचीच रीती । शत्रूस एकच भीती
गनिमी काव्याची नीती । करे सळो की पळो ।। २ ।।
शब्द पाळला वाचेचा । स्त्रीला सन्मान मातेचा
सुसंस्काराच्या गाथेचा । अध्याय जिजाऊचा ।। ३ ।।
गालबोट कधी नाही । पुसावे दशदिशाही
कशी होती शिवशाही । आमुच्या शिवबाची ।। ४ ।।
पुन्हा यावे शिवराय । दिसे ना अन्य पर्याय
विशाल सुवर्णकाय । इतिहास दावाया ।। ५ ।।
@ *सागरराजे निंबाळकर*
No comments:
Post a Comment
आपल्या अभिप्रायाबद्दल मनःपूर्वक आभार !