----- *पाण्याचे कोडे* -----
प्रश्न सोडवावा लवकरात लवकर
आर्जवे सांगते कावळ्याची वाणी
रचला खड्यांचा ढिगारा तरीही
हाती न आले ओंजळभर पाणी
प्रयत्नांती परमेश्वर म्हणता म्हणता
कावळ्याने स्वतःचे प्राण त्यागले
स्वार्थासाठी दुखावून निसर्गाला
सांगा इथे कुणाचे काय भागले
पाणीटंचाई, दुष्काळ कैक समस्या
आज समोर उभ्या ठाकलेल्या
हिरवाईने वृक्षवल्लींच्या ताठ माना
आता पाण्याविना पुरत्या वाकलेल्या
प्रेम करतो निसर्ग भरभरून जसं
तसेच देतो कधीकधी शालजोडे
काक गेला तरी प्रश्न तसाच राहतो
का सुटले नाही त्याला पाण्याचे कोडे
----- *सागरराजे निंबाळकर* -----
उल्हासनगर, ठाणे
No comments:
Post a Comment
आपल्या अभिप्रायाबद्दल मनःपूर्वक आभार !