------ *हे सोंग कुणा का कळले* -----
हे सोंग कुणा का कळले, सारेच इथे निजलेले
साकीच्या मद्यपाने, सारेच इथे रिझलेले
ती लोभसवाणी काया, तो मधाळ गोंडस राया
गरिबीच्या ओझ्याखाली, सारेच इथे पिचलेले
मी कुणास सांगू पत्ता, श्रावणातल्या सरींचा
आसवांच्या पर्जन्याने, सारेच इथे भिजलेले
नभातला चंद्रोदय, मज खिजवितो मजेने
मी पेटविले जे दिवे, सारेच इथे विझलेले
कळणार कधी कसे त्या, बुटातल्या सुटाला
बापाचे जोडे आता, सारेच इथे झिजलेले
साऱ्यासी लावत गेलो, मी छातीशी प्रेमाने
मज डाव कधी ना कळले, सारेच इथे शिजलेले
----- *सागरराजे निंबाळकर* -----
No comments:
Post a Comment
आपल्या अभिप्रायाबद्दल मनःपूर्वक आभार !