---------- *जीवनाचे रंग सारे* ----------
जीवनाचे रंग सारे । शांत अथांग किनारे
वाहणारे श्वेत वारे । घालती येरझारा !! १ !!
आठवांचा योग्य नेम । दया, माया, शांती, क्षेम
हात हाती जेमतेम । येतात जगताना !! २ !!
संकटांचा नित्य मारा । जिंकण्याचा योग्य नारा
नको फाफट पसारा । खेळ हा खेळताना !! ३ !!
आले गेले कैक येथे । कर्म सारी नोंद घेते
तरी आम्हीच विजेते । नको हा आविर्भाव !! ४ !!
सागराची लाट पहा । आनंदी, स्वच्छंदी रहा
खुल्या नभाखाली नहा । चिंतांना वगळून !! ५ !!
--------- *सागरराजे निंबाळकर* ---------
No comments:
Post a Comment
आपल्या अभिप्रायाबद्दल मनःपूर्वक आभार !