------- *काव्य माझे* -------
स्वप्नांची ने आण । सद्गुणांची खाण
वास्तवाची जाण । काव्य माझे ।।१।।
निवळाया भार । काळजाच्या पार
संदेशाची तार । काव्य माझे ।।२।।
अल्ला, एकदंत । संप्रदायी संत
नाठाळांचा अंत । काव्य माझे ।।३।।
सोने, चांदी, नाणी । कबिरांची वाणी
शाहिरांची गाणी । काव्य माझे ।।४।।
ज्ञानेश्वरी ग्रंथ । धरूया सुपंथ
पाणी एकसंथ । काव्य माझे ।।५।।
सागराची लाट । नागमोडी वाट
वळणांचा घाट । काव्य माझे ।।६।।
महाराष्ट्र माझा । रयतेचा राजा
इतिहास ताजा । काव्य माझे ।।७।।
आजन्म निभावू । शैलीतून दावू
काळजाला लावू । काव्य माझे ।।८।।
हर्षाची घागर । शब्दांचा 'सागर'
झाले उजागर । काव्य माझे ।।९।।
▪️सागरराजे निंबाळकर, उल्हासनगर
मो - ८८ ७९८९ ७७९७
No comments:
Post a Comment
आपल्या अभिप्रायाबद्दल मनःपूर्वक आभार !