म्हणूनच आला हा दुरावा

_*म्हणूनच आला हा दुरावा*_

_रममान झाली स्वतःत इतुकी_
_आजूबाजूचं तुला भान नाही_
_नको भेटूस प्रत्यक्षात मजला_ 
_सांग शेवटचं आठवून काही_

_भेट असतेच जणू टाळावया_
_समजूत मनाची घालत राहिलो_
_ठपका तुझ्यावर कसा ठेवावा_
_मीच मृगजळामागे धावलो_

_मला आपलं मानलंच कधी तू_
_त्यामुळेच आज आला दुरावा_
_आजही गेलीस, जर त्या वाटेवर_
_पदोपदी मिळेल आठवांचा पुरावा_

_शहानिशा करू नकोस फक्त_
_घेराव घालेल साक्षीचा पिंजरा_
_मौनालाही व्हावं लागेल बोलकं_
_सत्य सांगतील व्याकुळल्या नजरा_

_मानपान करणं एकमेकांचा सये_
_जणू एक औपचारिकता ठरली_
_दुरावाच मिळाला शेवटी नशिबी_
_माझी सोडून तू साऱ्यांची उरली_

@ *सागरराजे निंबाळकर*
         उल्हासनगर, ठाणे
         ८८७९८९७७९७