-- व्याख्या आयुष्याची --
संसाराची वेल
मातृत्वाची फुलं
हर्षाच्या सरींना
झालं नभ खुलं
साजिरं गोजिरं
रुपडं बाळाचं
अप्रूप साऱ्यांना
सोनेरी काळाचं
जाता पुढे पुढे
घेरती समस्या
कामी येते मग
कर्मांची तपस्या
कोण मित्र आणि
कोण शत्रू येथे
ओळखाया पेच
वेळ संधी देते
टाळूनिया लोभ
योग्य तेच घ्यावे
यथायोग्य मार्गे
ज्याचे त्याला द्यावे
अशीच असते
व्याख्या आयुष्याची
कधी जय कधी
चिंता निकालाची
@ *सागरराजे निंबाळकर*
No comments:
Post a Comment
आपल्या अभिप्रायाबद्दल मनःपूर्वक आभार !