-- कोणाकडे ज्ञान नामी --
शोधावया गेलो जेव्हा
हरवल्या 'मी' पणाला
नवीनच ज्ञात झालं
इथे हरेक क्षणाला
कोण अन कुठला मी
काय माझे नाव गाव
पाहूनिया चेहऱ्यांना
बदलती हावभाव
ध्येय गाठण्या चालतो
वाट माझी निरंतर
कसे मोजावे मी आता
किती कापले अंतर
घालमेल ह्या जीवाची
उमगेना कुणा काही
सरबत्ती प्रश्नांची नी
उत्तरांचा पत्ता नाही
कोण सांगेल तोडगा
कोणाकडे ज्ञान नामी
असो, शेवटाला मात्र
येती फक्त कर्म कामी
😊 सागरराजे निंबाळकर
No comments:
Post a Comment
आपल्या अभिप्रायाबद्दल मनःपूर्वक आभार !