दगडाचे जाते

-- दगडाचे जाते --

कळलेच नाही कधी
कसे दृढ झाले नाते
बंध मायेचे विणते
जुने दगडाचे जाते

ताई, माई, आई, आज्जी
साऱ्यांनाच त्याचा लळा
ओवी गात गात मग
गोड होत गेला गळा

जातं फिरवता येते
स्नायूंनाही बळकटी
आरोग्यम संपदा ती
दूर सारी कटकटी

नामशेष होत गेलं
विसरले त्याला सारे
कष्ट वाचविण्या येता
आधुनिकतेचे वारे

विधी लग्नाचे करण्या
त्याची गरज भासते
पाहूनिया वधू वरा
जाते सहज हासते

😊 सागरराजे निंबाळकर