------- आयुष्याचे कोडे -------
कळले ना कधी । कशाची ही भ्रांत
काय माझा प्रांत । आयुष्यात !! १ !!
धावलो मी फक्त । मृगजळामागे
उसवूनी धागे । आनंदाचे !! २ !!
सर्व सुखसोयी । मिळविण्या हट्ट
रोवूनिया घट्ट । पाय येथे !! ३ !!
लाभली जीवाला । जरी का उसंत
थोडी तरी खंत । राहतेच !! ४ !!
कुणा कुणा सांगू । यत्न फोल सारे
जळते निखारे । नको हाती !! ५ !!
प्रत्येकाच्या भाळी । लिहिलेले काही
मिळणार नाही । दुजे येथे !! ६ !!
प्रसंगी चातुर्य । वापरावे थोडे
आयुष्याचे कोडे । सोडविण्या !! ७ !!
@ सागरराजे निंबाळकर
No comments:
Post a Comment
आपल्या अभिप्रायाबद्दल मनःपूर्वक आभार !