-- घास दोघे एकेक खाऊ --
चिंगी चिंग्या रुसून बसले
घेतली होती त्यांनी कट्टी
चिंगी म्हणाली देईन मार
चिंग्याला नको होती बट्टी
भांडण होते डब्यावरून
कोण खाणार पहिली पोळी
चिंग्या म्हणाला थांब थोडं
मला संपवू दे लिमलेट गोळी
चिंगी म्हणाली शर्यत लावू
आजही मीच तुला हरवणार
चिंग्या म्हणाला जिंकलो तर
तुझ्या डब्यातला घास भरवणार?
दोघांनाही खायचे होते डबे
द्यायला मात्र नव्हते तयार
तोडगा निघेना काही त्यातून
कोणीच घेईना की माघार
ठरले अखेरीस एकमताने
घास दोघे एकेक खाऊ
अल्बत्या गलबत्या करत
आपापल्या घरी जाऊ
@ सागरराजे निंबाळकर
No comments:
Post a Comment
आपल्या अभिप्रायाबद्दल मनःपूर्वक आभार !