सूत्र सुखी जीवनाचे

-------- सूत्र सुखी जीवनाचे --------

माझे माझे करताना । रिकामीच झोळी
मृगजळापायी केली । आयुष्याची होळी !! १ !!

धावू किती कुणा मागे । उमजेना काही
सत्संगा विना संसारी । मोक्षप्राप्ती नाही !! २ !!

संपली व्यथा कुणाची । कुणी झाले संत
त्यागता सुखाला येथे । नको कधी खंत !! ३ !!

देव तारी जीवनाला । लीन होता पायी
उगम भक्तीचा होतो । ज्याचे त्याचे ठायी !! ४ !!

तेजोमयी आसमंत । मना सुखावतो
देव भक्तीचा भुकेला । कसा खुणावतो !! ५ !!

काम, क्रोध, लोभ, माया । सारुनिया दूर
संकटा क्षणात येथे । करू चक्काचूर !! ६ !!

सूत्र सुखी जीवनाचे । आहे साधे सोपे
चाऱ्याच्या साथीने जैसे । सुगरणी खोपे !! ७ !!

😊 सागरराजे निंबाळकर