-- आपण राजा राणी --
पाहून मला प्रेमात पडावं
इतुका तर मी सुंदर नाही
तरी मला स्थान हृदयात
आश्चर्य वाटलं डोळ्यालाही
कोण होतो, काय होतो
कधी, कसा तुझा झालो
तुझं स्मित चांदण्यापरी
ज्यात चिंब चिंब न्हालो
भेट काही क्षणांची आपुली
आज जगण्याचा ध्यास झाला
गाळू नकोस चुकूनही कधी
तुझ्या डोळ्यातल्या मोत्याला
नाव जरी नसलं नात्याला
आहोत आपण राजा राणी
तू वाहती नदी निर्मळ सये
मी न आटणारं सागराचं पाणी
🤗 सागरराजे निंबाळकर
No comments:
Post a Comment
आपल्या अभिप्रायाबद्दल मनःपूर्वक आभार !