----- गोकुळात मज भावतो श्रीरंग -----
साऱ्या गोकुळात मज, भावतो श्रीरंग
रातदिन होते त्याच्या, भक्तीमध्ये दंग !! धृ !!
मीरा भाग्याची की राधा, कळेनाच काही
प्रेम ऐसे दुजे जगी, पाहिलेच नाही
कृष्णा वाजवितो पावा, हरपून भान
गोड कवनांची माला, व्यापते कमान
राधेकृष्ण जप मुखी, वाटतो अभंग !! १ !!
गोपिका विनवी कान्हा, सोड माझी वाट
वाट पाहतोय तेथे, यमुनेचा काठ
हट्ट त्याचा इतुकाच, द्यावे मज लोणी
फुटलेल्या माठाविना, जाते कधी कोणी
सताविण्याचा कान्हाने, बांधलाय चंग !! २ !!
साऱ्या गोकुळाचा आळ, कान्हा आहे द्वाड
खोड्या करून लपतो, यशोदेच्या आड
एकीकडे गाते मीरा, मनसोक्त गाणी
दुजीकडे राधेच्याही, डोळ्यामध्ये पाणी
प्रेमा तुझे पाहिले मी, विविधांगी रंग !! ३ !!
सागरराजे निंबाळकर
No comments:
Post a Comment
आपल्या अभिप्रायाबद्दल मनःपूर्वक आभार !