-- न्हाली दवात धरती --
दृश्य मनोहारी पहा
न्हाली दवात धरती
गुणगान तिचे नित्य
माझ्या अधरांवरती
फळे, फुले, पानं, वेली
चिंच, डाळिंब, शहाळं
फुललेली वनराई
येथे सदा सर्वकाळ
दऱ्याखोऱ्यातून जातो
मार्ग नव्हे साधा सोपा
निसर्गाची कृपा दावी
मज इवलासा खोपा
खाली धरती सुंदर
वर अथांग आभाळ
लेकरांना पोसताना
होते कधी का आबाळ
शालू हिरवा नेसता
काय वर्णू नवलाई
स्वागताला चाफा अन
सोबतीला जुई, जाई
अशा या धरेचे सदा
आशिर्वच मजवर
माथा झुकतो चरणी
जुळवून दोन्ही कर
😊 सागरराजे निंबाळकर, उल्हासनगर
No comments:
Post a Comment
आपल्या अभिप्रायाबद्दल मनःपूर्वक आभार !