चारोळी

चारोळी १ :-

निरोपाच्या क्षणी तुझे डोळे सये
कोण जाणे इतुके का भरले होते

जणू जगलीस चार दिवस फक्त
तरी, आयुष्य त्यातच सरले होते

चारोळी २ :-

शोध घेताना अस्तित्वाचा माझ्या
मी कमावतोय जेमतेम पोटापुरतं

तरी सारे विचारतातच मजला
सांग ना, तुझ्या हाती काय उरतं

चारोळी ३ :-

नजरेत तुझ्या स्थिरता नसते हल्ली
खरंच तुझं, हरवलंय का काही?

पेच एवढ्यासाठीच पडला मजला
जे तुझ्या ओठी तेच डोळ्यात नाही

🌿 सागरराजे निंबाळकर