दाबून हुंदक्यांना रडतोय मी नव्याने
हो रे खरेच आता घडतोय मी नव्याने
दरबार आसवांचा हसण्यास वाव नाही
जुलुमी प्रथेस असल्या नडतोय मी नव्याने
लवकर उपाय शोधा जालीम औषधांचा
खोटा हकीम बनुनी जडतोय मी नव्याने
खेचून पाय माझे होईल काय आता
दिवसागणिक शिखर जे चढतोय मी नव्याने
गोटात ऐकले की आलास का पुन्हा तू?
पदरी कुणाकुणाच्या पडतोय मी नव्याने
चटक्या शिवाय मिळते येथे कुणास काही?
युद्धात भाकरीच्या लढतोय मी नव्याने
@ सागरराजे निंबाळकर
No comments:
Post a Comment
आपल्या अभिप्रायाबद्दल मनःपूर्वक आभार !