➖➖➖ पुन्हा जगावे नव्याने ➖➖➖
येता जाता आठवांचा भरतोय रोज मेळा
घाईमध्ये जे जे झाले आठवावे किती वेळा
पुन्हा कधीतरी जाऊ मन गाजवते सत्ता
मला सांगेल का कोणी आठवांचा योग्य पत्ता
भार तुझ्यावर सारा तरी तुला दुःख नाही
किती करावे कौतुक मज उमगेना काही
घडो सेवा नित्य देवा आठवते बालपण
चुकलेच माझे थोडे शोधताना चार क्षण
दिस आले सोनियाचे धाडा सांगावा साजणा
चिल्या पिल्यांची ही शाळा जसा हालतो पाळणा
माझे विठोबाचे मनी भक्तांसाठी तळमळ
दर्शनाने लाभे मज पूर्व संचिताचे फळ
माझे माझे करताना होते मोकळेच हात
बचावलो थोडक्यात होत असताना घात
झाले गेले विसरावे पुन्हा जगावे नव्याने
साकारले चित्र जसे विहंगाच्या त्या थव्याने
🤗 सागरराजे निंबाळकर
No comments:
Post a Comment
आपल्या अभिप्रायाबद्दल मनःपूर्वक आभार !