▪️शोध माझा घे मनावर
प्रश्न मी अन् मीच उत्तर
शोध माझा घे मनावर
गोड हसली लाजलीही
भेट पहिली योजल्यावर
स्पष्ट झाले सर्व काही
चेहऱ्याला वाचल्यावर
मोल कळले जिंकण्याचे
ऐनवेळी हारल्यावर
काय छोटे काय मोठे
गोड सारे मानल्यावर
घर उजळले केवढे हे
एक पणती लावल्यावर
काम नाही बावळ्यांचे
राज्य करणे सागरावर
🌿 सागरराजे निंबाळकर, उल्हासनगर
No comments:
Post a Comment
आपल्या अभिप्रायाबद्दल मनःपूर्वक आभार !