▪️सोडू नये धीर
जटील समस्या । परीक्षा बघते
अशक्य वाटते । सर्वकाही ।।१।।
संकटात कधी । सोडू नये धीर
लावून अबीर । संयमाचा ।।२।।
असते उत्तर । प्रत्येक प्रश्नाला
चालना मनाला । दिली जर ।।३।।
तोल ढळल्यास । पुन्हा सावरावे
हळूहळू जावे । ध्येयापाशी ।।४।।
प्राप्त होते सिद्धी । तपश्चर्येमुळे
उद्धारावी कुळे । सन्मार्गाने ।।५।।
🌿 सागरराजे निंबाळकर, उल्हासनगर
No comments:
Post a Comment
आपल्या अभिप्रायाबद्दल मनःपूर्वक आभार !