🎯 स्वप्नांची आखणी
जुन्या आठवांचा । घालूनिया मेळ
खेळूयात खेळ । भविष्याचा ।।१।।
नकळत जे-जे । गेले हातातून
दुःख मागाहून । नको त्याचे ।।२।।
जमाना भल्याचा । उरलेला नाही
खोटी कार्यवाही । जिथे-तिथे ।।३।।
मनामध्ये एक । ओठांवर दुजे
होती सारे खुजे । क्षणोक्षणी ।।४।।
सुखी, समाधानी । व्हावे सारेजण
वेचूयात कण । सन्मार्गाचे ।।५।।
स्वप्नांची आखणी । यथायोग्य करू
ओंजळीत भरू । सुखदुःख ।।६।।
लांघू संयमाने । प्रपंच सागर
करून आदर । भावनांचा ।।७।।
🌿 सागरराजे निंबाळकर, उल्हासनगर
No comments:
Post a Comment
आपल्या अभिप्रायाबद्दल मनःपूर्वक आभार !