सुंदर हिरवे येईल गाव
बोट नाखवा किनारी लाव
वरवर असते कौतुक सारे
कोण पाहतो आतले घाव
आत घेतात चढ्या दराने
बाहेर मात्र करतात भाव
पैसा-अडका सगळं आहे
पण ममतेचा प्रचंड अभाव
कधी न कळला मला विसावा
पळत राहिलो उगा भरधाव
निष्फळ ठरल्या चर्चा म्हणून
ज्याचा-त्याने घेतला ठाव
कुणाकुणावर संशय घ्यावा
प्रत्येकाचे वेगळे डाव
🌿 सागरराजे निंबाळकर, उल्हासनगर
No comments:
Post a Comment
आपल्या अभिप्रायाबद्दल मनःपूर्वक आभार !