➖➖ सुखकर्ता दुःखहर्ता ➖➖
हेत जीवनाचा । कळला ना कधी
असूनी अवधी । हाती कैक !! १ !!
धावलो मी फक्त । सुख सोयींमागे
विश्रांतीचे धागे । उसवूनी !! २ !!
धन परक्याचे । मज माझे वाटे
परिश्रमा फाटे । देऊनिया !! ३ !!
भार अपेक्षांचा । वाहता वाहता
निमूट पाहता । कोंडी झाली !! ४ !!
चांगले वाईट । सांगावया आता
आला बुद्धिदाता । धावूनीया !! ५ !!
टेकवितो माथा । तुझ्या चरणाशी
लाव काळजाशी । मज आता !! ६ !!
विनवितो तुज । तूच सुखकर्ता
तूच दुःखहर्ता । सकलांचा !! ७ !!
☺️ सागरराजे निंबाळकर
No comments:
Post a Comment
आपल्या अभिप्रायाबद्दल मनःपूर्वक आभार !