----- सागराच्या पोटी -----
विठू माझी आई ! विठू माझा बाप
वात्सल्य अमाप ! माझ्यावरी !! १ !!
तोच माझा हरी ! तोच स्वामी सखा
तोच पाठीराखा ! संकटात !! २ !!
कधी राऊळात ! कधी वृंदावनी
कधी इंद्रायणी ! वास त्याचा !! ३ !!
जोडतो मी हात ! पाहता ते रूप
निर्गुण स्वरूप ! मूर्तिमंत !! ४ !!
येशू, राम, अल्ला ! चराचरी वसे
बुद्ध गोड हसे ! विहारात !! ५ !!
शोधताना देव ! करावे सुकर्म
पुण्य, श्लोक, धर्म ! आचरणी !! ६ !!
सारे मावतील ! सागराच्या पोटी
नाम ठेवा ओठी ! हरी हरी !! ७ !!
@ *सागरराजे निंबाळकर*
No comments:
Post a Comment
आपल्या अभिप्रायाबद्दल मनःपूर्वक आभार !