----- सागराची नदी -----
पुण्य झाले नष्ट ! नाती तकलादू
तोचि संधी साधू ! ओळखावा !! १ !!
कशाला हवी ती ! दुष्कर्म संगती
डाव ते रंगती ! अशांतीचे !! २ !!
माझ्या वावरात ! कांदा मुळा भाजी
यावी सुखा माजी ! तृप्त होण्या !! ३ !!
पाहू तिहिलोकी ! वैभव संपन्न
सद्गुण नावीन्य ! चराचरी !! ४ !!
काय सांगावा मी ! त्याचा थांगपत्ता
सत्कर्माचा कित्ता ! गिरवावा !! ५ !!
सावळ्या हरीला ! विनवितो नित्य
दर्शन अलभ्य ! द्यावे आता !! ६ !!
घेत जावे कधी ! देत जावे कधी
सागराची नदी ! सांगतसे !! ७ !!
@ *सागरराजे निंबाळकर*
No comments:
Post a Comment
आपल्या अभिप्रायाबद्दल मनःपूर्वक आभार !