----- उखाणा क्रमांक १२१ -----
नाव घेण्याचा हट्ट आप्तेष्टांचा
अडवलं, माप ओलांडताना दारी
सुखाची बीजे रोवून मनोभावे
आनंदाचा वटवृक्ष उभारू संसारी
@ *सागरराजे निंबाळकर*
----- उखाणा क्रमांक १२२ -----
सनई चौघडे वाजताच सुरेल
वरात येऊन ठेपली दारात
लक्ष्मीचं नाव घेतो नारायण
सुखशांतीचा वास राहो घरात
@ *सागरराजे निंबाळकर*
----- उखाणा क्रमांक १२३ -----
ठेच लागता त्याच्या पायाला
यावं पाणी हिच्या डोळा
ह्यालाच म्हणायचं असतं संसार
सुखी, समाधानी, आदर्श जोडा
@ *सागरराजे निंबाळकर*
----- उखाणा क्रमांक १२४ -----
माहेर, सासर एकत्र जोडणारा
विवाह, एक अद्भुत केंद्रबिंदू
देऊन साथ आजन्माची एकमेका
सये आपण, गुण्यागोविंदाने नांदू
@ *सागरराजे निंबाळकर*
----- उखाणा क्रमांक १२५ -----
नाव घेण्याचा अंदाज नवनवा
हसऱ्या वदनांना एवढंही पुरतं
नाव जोडलं, तेव्हाच झालो तुझा
आता माझं असं, वेगळं काय उरतं
@ *सागरराजे निंबाळकर*
No comments:
Post a Comment
आपल्या अभिप्रायाबद्दल मनःपूर्वक आभार !