गजल - मंजुघोषा

💫 *काळजाशी बोलतो सागर किनारा* 💫

वृत्त :- मंजुघोषा
गालगागा ची ३ आवर्तने

*ऐकतो माझ्या भल्याचा रोज नारा*
*सद्विचारांचाच होतो रोज मारा .....!*

*वेदनांचे फक्त येथे पीक येता*
*पेरली मी आसवे येथे दुबारा .....!*

*फेकतो जो तो इथे त्या आकड्यांना*
*दाखवा पाहू यशाचा सातबारा .....!*

*नाव घेतो त्या विठूचे मी सदोदित*
*तोच जिवलग तोच बुडत्याचा सहारा .....!*

*कोण आहे येथ माझे काय सांगू*
*आवरावा आपला आपण पसारा .....!*

*कैक रात्री जागलो मी पौर्णिमेच्या*
*झोप येते पाहता तो एक तारा .....!*

*भोगतो मी दुःख सारे प्राक्तनाचे,*
*भेटला ना मज कधी तो तारणारा ....!*

*समजते भाषा अता त्या गुंजनाची*
*काळजाशी बोलतो "सागर" किनारा ....!*

@ *सागरराजे निंबाळकर*