परिताई

----- *परिताई* -----

नाचत होती आकाशात

एक छान छोटी परी

तिच्या नाचामुळे पडल्या

पावसाच्या खूप सरी

सरींसोबत खाली आली

छोटी आमची परिताई

मुलं म्हणाली तुझ्यासोबत

खेळायचं आहे बाई

परी म्हणाली या रे सारे

पाखरांना सोबत घेवून

गाऊ गाणी पावसाची

पावसामध्ये सारे जावून

तितक्यात आले फुलपाखरू

रंगीत पंख त्याचे छान 

त्याला पाहुन परिताई

विसरली आपले सारे भान

पंखावर पटकन बसून

परिताई गेली उडून

परिताई गेली म्हणून

मुलं दमली रडून रडून

तेव्हापासून परिताई

बाळांच्या स्वप्नात येते

आईबाबा पाहतात तर

बाळ झोपेत खुदकन हसते

🧸 *सागरराजे निंबाळकर* 🧸