-- इवलासा दवबिंदू --
प्रभातीच्या वेळी जन्म
जन्म घेती दवबिंदू
मोती टपोर हे वाटे
वाटे वात्सल्याचा सिंधू ।। १ ।।
थेंब थेंब चमकती
चमकती दव ओले
ओशाळून तृणपाती
तृणपाती छान डोले ।। २ ।।
अल्पजीवी दवबिंदू
दवबिंदू देती ज्ञान
जगताना जीवनाची
जीवनाची न्यारी शान ।। ३ ।।
गोड गुलाबी ही थंडी
थंडी वाटे हवीहवी
आयुष्याची सुरुवात
सुरुवात नवीनवी ।। ४ ।।
इवलासा दवबिंदू
दवबिंदू वाटे मोती
त्याचा करुणेचा स्पर्श
स्पर्श काळजाला होती ।। ५ ।।
@ सागरराजे निंबाळकर
No comments:
Post a Comment
आपल्या अभिप्रायाबद्दल मनःपूर्वक आभार !